Äs cools Trüppli Wibervölcher mit dä Härz voll Gaschtfründschaft.
Üses Team
Christa
Sit 2005 Wirti u Hüttewarti hie ufem Berg.
Katrin
Sit 2007 eigehändig, freihändig ir Chuchi.
Thesi
Sit em Früehlig 2022 äs patents Lieblingsmönschli vo üs ir Chuchi.
Andrea
Sit em Früehlig 2022 isch o sie ä Rossbergerin. Im richtige Läbe Bürin u Älplerin mit Liib u Seel.
Xenia
Als Schnuppi bi üs ichegluegt u zum Glück chli blibä bhange... sider am Summer 2024 fülle mir zämä dis Gastroerfahrigsruckseckli und schätze dis liebä Wäse.
Fränzi
Ds Fränzi isch ä wunderbari Wundertruckä wo üs näbscht ihrere Mithilf ufem Berg o geng u geng umä feini, mängisch unbekannti Sache us ihrem Paradiesgarte bringt. Sie isch sit am Früehlig 2025 ä Rossbergerin.
Rea
D Rea redt zwar Züridütsch, aber mier gäbä Alls das mier sie verschtöh! Ihri fadegradi u liebenswärti Art mache das aber o eifach! Sit im Summer '25 an Bord.
Luno
Sit 2018 bi üs ar Choscht, fröjt är sech ab jedere Schtrichlete u chunnt regelmässig cho Fyrabe mache und guet N8 säge. ......- u jaaa, ÄR isch üse Quotemaa! 🤭