Als Diplom-Biersommelière fröjt sech d`Christa über nä chlini, aber feini Uswahl vo dä gängigschte Bierstile uf em Berg. Der lokale Braukunscht gäbe mir ä Plattform. Uf Amäldig und binere Gruppe ab 20 Persone oranisiere mir für Öjch o äs Bier and Dine.
Mit Stolz gäbe mir üse uf em Rossberg gwachsnig Hopfe id Brauerei und Mälzerei Wüstenbach Oberwil im Simmental zur Alexia und em Roland Zeller, wo üs jewils üses Monetsbier braue.
Im witere schaffe mir eng mit dr Simmentaler Braumanufaktur zämä.
Üse Hoflieferant isch der Michael Rüfenacht mit sim Team. ruefenacht-getraenke.ch. I ihrem Lade in Oey-Diemtigen findet ier äbefalls ä grossi Uswahl a lokale Bierspezialitäte.